Hefe di departamento di ICT

Vakgebied Digitalisering en ict

Werk- en denkniveau Wo

Salaris $ 5835 – $ 7505 p/m

Deze vacature is gegenereerd met AI; er kunnen fouten in deze vacaturetekst zitten. Er kunnen aan deze vacaturetekst op deze website geen rechten worden ontleend. Check altijd ook de daadwerkelijke vacature op de vacature-website van de gemeente door op ‘Direct solliciteren’ te klikken.

Lugá: Departamento di ICT
Entrante fecha: 3 jun, 2026
36

Entidat Públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buska?

Kiko bo ta bai hasi?

Komo Hefe di departamento di ICT na un manera integral bo ta duna guia na e departamento di ICT den direktorado di Maneho i Sosten di Entidat Públiko Boneiru. Bo ta responsabel pa un servisio digital konfiabel, seif i resiliente pa futuro na henter e organisashon i bo ta hunga un ròl klave den transformashon digital mas aleu di Entidat Públiko Boneiru.

Bo ta tradusí e metanan stratégiko di e organisashon den un vishon klarito di ICT, den plannan di mas aña i den resultadonan konkreto. Den esaki bo ta enfoká riba inovashon, kontinuidat i servisio. Bo ta duna guia na empleadonan di e departamento, bo ta sòru pa uso optimal di hende i rekurso i bo ta stimulá profeshonalisashon, kolaborashon i desaroyo den e tim.

Bo ta responsabel pa e infrastruktura digital, pa e aplikashonnan, pa suministro di informashon i pa siguridat di informashon den un ambiente híbrido di ICT (on-premise i cloud). Bo ta vigilá kumplimentu ku leinan i reglanan relevante i ku standartnan di gobièrnu, entre otro siguridat di informashon, privasidat i ‘compliance’.

Banda di esaki bo ta konsehá e direktor, e tim di maneho, sekretario insular i Kolegio Ehekutivo tokante problemátikanan stratégiko di ICT, digitalisashon, invershon i riesgo. Bo ta responsabel pa presupuesto di e departamento, pa e siklo di planifikashon i kontròl, i tambe pa maneho di suministradó, maneho di kòntrakt i realisashon di resultadonan palabrá.

Bo ta ehersé un ròl importante di duna direkshon den proyektonan kompleho pa henter e organisashon i bo ta traha intensivamente huntu ku stakeholdernan interno, suministradónan i partnernan di kadena den Reino, entre otro ministerio di Asuntunan Interno i Relashonnan den Reino (BZK), RCN i e otro islanan BES. Bo ta aktua tambe komo punto di kontakto den kaso di insidente di ICT i kalamidat.

Loke nos ta ofresé bo

Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur eksigensia ku ta pertenesé na e funshon akí, nos ta hasi uso di un eskala inisial. Esaki ta eskala 13 i ta resultá den minimalmente $ 5835,- i maksimalmente $ 6685,- pa luna. E salario regular pa e funshon akí ta kai den eskala 14 i ta sòru pa un salario di minimalmente $ 6555,- i maksimalmente $ 7505,- pa luna. Banda di esaki bo por konta ku:

Sèn di vakansi di 8,33%;
Un ‘13ᵉ maand’ kompleto;
168 ora di vèrlòf i 5 dia èkstra di vèrlòf stipulá adelantá;
Un areglo di penshun ekselente;
Un siman di trabou fultaim di 36 ora;
Un nombramentu di 1 aña. Den kaso di satisfakshon mutuo, tin un opshon pa un relashon di trabou vast.

E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!

Kiko ta e eksigensianan

Pa e funshon akí nos ta buskando un mènedjer sólido i konektivo ku vishon riba digitalisashon, maneho empresarial i siguridat di informashon.

Bo ta disponé di:

Un formashon akadémiko (WO) kompletá, preferibelmente den direkshon di Informatica, ICT, atministrashon di empresa òf un área profeshonal komparabel;
Minimalmente 8 pa 10 aña di eksperensia di trabou relevante, di kua minimalmente 3 pa 5 aña di eksperensia ehekutivo komprobabel den un funshon di ICT;
Eksperensia komprobabel den dunamentu di guia na timnan di ICT i realisashon di proyektonan kompleho di ICT;
Eksperensia ku siguridat di informashon, maneho di riesgo i problemátika di privasidat;
Konosementu di ‘IT-governance’ i metodologia di maneho di servisio manera COBIT i ITIL;
Konosementu di standartnan di siguridat di informashon i kuadronan di norma di gobièrnu manera BIO i ISO 27001;
Eksperensia ku ambientenan di cloud, infrastruktura digital, siguridat sibernétiko i maneho di suministradó;
Eksperensia ku maneho di presupuesto, planifikashon i kontròl, i maneho di kòntrakt;
Konosementu di prosesonan polítiko gubernamental i eksperensia den un ambiente di gobièrnu ta un bentaha fuerte;
Eksperensia den organisashon di eskala chikitu ku kapasidat limitá di ICT i/òf den un ambiente multilingual ta un bentaha fuerte;
Afinidat ku e konteksto karibense i e retonan sosial di Boneiru.

Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.

Bo ta papia i skirbi papiamentu i hulandes bon;
Bo por traha bon ku sistemanan digital.

Loke ta importante tambe pa sa

Un assessment ta forma parti di e prosedura di solisitut;
Bo mester por entregá e diplomanan ku bo a logra i ku ta menshoná den bo CV;
Bo mester por entregá un deklarashon tokante kondukta (VOG).

Sí! Mi ke e trabou akí

Nos ta anhelá pa risibí bo solisitut. Manda bo CV huntu ku bo motivashon promé ku 30 di yüni na solliciteren@bonairegov.com. Por dirigí esaki na Kolegio Ehekutivo, na atenshon di Departamento di Personal i Organisashon. Nos adrès ta Kaya Industria Pariba 28, Kralendijk, Boneiru.

Bo tin duda ainda òf bo ke haña mas informashon tokante e funshon? E ora ei tuma kontakto ku recruitment na (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.